Ёшлар китоб ўқимай қўйгани ҳақида бонг урилди.

Илгари бунинг сабаблари ҳақида кўп бахс мунозара қилинарди, китобларнинг қимматлиги, бозор иқтисодиётининг кириб келиб ҳамма китобга эмас, пулга ўзини урганлиги, аслида бозор иқтисоди ривожланган бошқа давлатларда биздан 10 карра кўп китоб ўқилишини билсак-да, негадир биз сабабни шундан излашга ўрганиб колгандик… Одамлар пул топишга берилиб кетиб китоб ўқигани вақт тополмай қолди, деб овуниб қолдик. Aхвол шу даражага етдики, кўча- кўйда китоб ўқиб ўтирган одамни учратмай қолдик, энг ёмони шунга кўника бшлагандик… Президентимиз хукумат тепасига келган кундан бошлаб китобхонликни тарғиб қилишга амалий ишларни бошлади. Aввало, ҳар бир нутқида дунёнинг энг шох асарларидан, албатта, иқтибослар келтиришларига ўргандик, баъзида энг севган асарларини тавсия қилиб мақтаган жойлариния эшитдик, конституциямизнинг 25 йиллигини нишонлаш тадбиридан бошлаб халқ учун кутилмаган Дастур тайёрланди, тадбир катта саҳнасига қўшиқчиар билан бирга эл суйган ширар билан биргаликда кўпчиликка ҳали таниш бўлмаган шоирлар ўз асарарини тўлқинланиб айтиб чиқиш қилишни бошлашди. Бу шахсан мен учун биринчи марта кузатилган ҳол эди. Халқ асл шеъриятни ўз эгаларидан тинглаш бошланди. Кейинчалик “Китоб савдосини янада такомиллаштириш хақида” қарори эълон қилинди (лекин бу қарор ижро этилишда бироз оқсалаётгандек бўлиб туюлмоқда , менинг назаримда). Китобга мухаббатни оширишнинг яна бошқа йўлларини жорий этиш ҳақида ўйланди. Кўпчилик кишилар, қандай қилиб ўқишни истамай қўйганларни китоб ўқиган кишиларга хурматини ошириш мумкин экан, деб турганда Президент навбатдаги кутилмаган қарорга келди: китоб ўқиган кишига машина берамиз! Моддий рагбатлантириш мен юқорида айтиб ўтганим “Бозор иқтисоди”ни рўкач қилиб олиб китобни бир чеккага отиб қўйган кишиларни ҳам мутолаага жалб этишнинг энг зўр усули эди, бу борада ажойиб йўл танланди. Китоб ўқишни истаган киши ҳеч қандай моддий рагбатсиз ҳам ўз дунёқараши ва келажагини яхши йўлга солиш мақсадида, энг асосийси, манавий завқ учун китоб ўқийверади, лекин гап бутун мамлакатни оммавий китобхон қилиш миссияси устида кетаётганда бундай совға истайдими йўқми, китобни севадими йўқми китоб ўқиб Президент томонидан совға қилинувчи машинани ютишни орзу қилади, ўзи бўлмаса фарзандини бу ишга жалб қилишни хохлайди. Президентимизнинг мақсади шундай эди. Одамларнинг неча йиллик чанг босган китобларни беихтиёр жавонидан олиб ўқишга ундаш эди. Шундай қилиб республика бўйича “Енг яхши китобхон” танлови эълон қилинди. Қувонарли томони, президентимиз ёшлар орасидан китобхонларни топишда адолатли равишда 2 гуруҳга ажратилган ҳолда ўтказишга топшириқ берди: 20 ёшгача ва 20 ёшдан 30 ёшгача китобхонлар учун алоҳида-алоҳида 2 та машина ютуққа тикилди. Вилоят босқичи қандай ўтганидан хабарим йўқ, лекин бутун мамлакат ахолиси билан биргаликда танловнинг Република босқичини ҳар куни имкон борича кузатиб бордим. Телеканаллар ҳам бу танловнинг аҳамиятини яхши ҳис қилгани кўриниб турди. Президентимиз “ўз номига ярашмаяпти , ёшларнинг ҳидиям йўқ” деган танқидларидан кейин ёшлар учун ранг- баранг кўрсатувлар намойиш қилиб, ўзини ўнглаб , нихоят , ўз номига яраша бўлиб қолган “Ёшлар” телеканали танловдан жонли кўрсатувлар тайёрлаб томошабинларни воқеалар ривожидан хабардор қилиб борди. Камига ҳар икки танлов орқама- орқа тугаши билан келаси ҳафтасига 4 тури ҳар куни биттадан бутунлай, ҳеч қандай “кесмасдан” намойиш қилиб берди. Мана шу намойишни, менимча, кўрмаган одам кам топилди. Одамлар сериалларини бир чеккага суриб қўйиб икки ҳафта давомида оилавий ўтириб энг ибратли, энг ҳавасли ва энг мотивацияли танловни кузатиб, ўзларининг китобхонлик билиминиям синаб ўтиришди. Танлов фавқулодда истеъдодли ёшларни халққа кашф қилиб берди. Менимча, булар ичидаги энг сенсацион наъмунани 20 ёшгача бўлганлар ўртасидаги танловда яратган Aллоҳ тақдири ила кўзлари кўра олмай туриб ўз иштироки билан бутун Ўзбекистоннинг меҳрини қозонган, танлов доирасининг ўзида 80 та китобни ўқиб чиққанини айтиб бошқа яқин бир ёки икки йилда қайси китобни ўқидингиз деб кўчада журналист микрофонни тутса ўқиганим йўқ китоб, дея бақрайиб туриб жавоб берган ёшларни уялтирган бўлса не ажаб! Баракалла Умиджон! Сен barcha uchun энг яхши китобхонсан! Сени бу танловга олиб келиб, саҳна ортида кўзидаги ёшни тия олмаган хурматли устозинг-мен учун энг яхши устоз!

Шунингдек, ўша 20 ёшгачалар ўртасида танловдаги Aндижонлик қизни эслайсизми, унинг 4- босқичда қандай чиққанини кўрдингизми, овози бўғилиб зўрға гапирди, ҳакамлар овозингга нима қилди, деса, кечаси билан шеър ўқиб бўғилиб қолди овозим, деди… Бу каби ҳолатлар кишини тўлқинлантирмайдими? ҳа ўртоқлар, кечалари ухламай китоб ўқиб чиқадиган ёшларни энди кўп кўрамиз!

Танловнинг 2-гуруҳи, 20 ёшдан 30 ёшгача бўлган ёшлар ўртасидаги намойиши ҳам бутун Республикада ҳар бир ишхонада, мактаб ёки олий ўқув юртларида, кўча - кўйда муҳокамалар қилиб борилди, шу кунлари халқ тилидан бу танловдан бошқа нарса тушмади. Бунда “Ёшлар” телеканалининг мамлакатда энг яхши ёш журналистлари триосидан унумли фойдалангани ҳам кўрсатувлар муваффаққиятини таъминлади, десам адашмаган бўламан. ширин сўзлари билан ғолиб ёки мағлубиятли вазиятларда иштрокчилар кўнглига йўл топа оладиган қобилиятга эга Гулҳидани иштирокчилар киришию чиқишида интервю олишга жалб қилиниши, ўзининг вазмин чеҳраси билан биргаликда тагдор ва оъринли хазиллари билан қатнашчиларни йўнатириб турган Хамза Жумаев ва опаларча меҳрибонлик билан иштирокчиларни руҳлантириб турган Лола Зуннуновалар ўз вазифаларини аъло даражада бажариб Президент ташкиллаган танловни ўз даражасига мос ўтишига хисса қўшдилар.

Ҳар бир турини кузатиш жараёнида мен иштирокчилар ютуқ ва камчиликлари ҳақида ўз хулосаларимни чиқардим, лекин, биласизми, 20-30 ёшлилардан нафақат мен, балки бутун ташкилотчилару ҳакамлар кўп нарса кутгандик, айрим холларда биз кутган натжалани бермагани кўпчиликни бироз ўйлантирди. Тўғри, студия сурони босади, Президент совғасини олиш истаги ҳаяжони босади, лекин ҳакамлардан бири Фарида Aфруз шоирамиз танлов пайти жараёнида ёнидаги шерикларига айтиб ўтганидек, ўқиган одам хохлаган пайт билаверади. Шунингдек, ўйин пайти бошловчиларнинг унга, хаяжонни қандай босгансиз, деганда айтган, кўп китоб ўқиганимдан, деган гапи ҳам ажойиб сабоқ бўлди менимча қатнашчиларга…

Қатнашчиларнинг кўпини кўриб бироз хаяжонлари ва шошма -шошарликларини йиғиштириб олганларида яхши бўлармиди, деб ўйлаб қолдим. Чунки телеканалнинг танлов ташкилотчилари шундай ташкиллашибдики, томошабин, иштирокчининг жавоб бериш жараёнининг ўзида, бир вақтда ҳакамларнинг ўзаро бир -бирлари билан нима ҳақда гаплашаётганликларию. кутиш хонасидаги қолган иштиркчиларнинг ҳар бир гапларини эшитиб таҳлил қилиб ўтириш имкониятига эга бўлди. Бу билан нимани назарда тутганимни тушундингиз деб ўйлайман.

Қатнашчиларга келсак, бир иштирокчини кутиш залида ҳеч кўрдингизми, мен ўша иштирокчини бошқаларга ўхшаб бақириб чақириб студиядаги иштирокчилар саволларига билағонлик қилгани тугул, ўша хонада ўтирганини кўрмадим ҳам, балки адашаётгандирман, ўша ердадир, лекин 3 тур бўйича бирон марта умумий кадрларда кўргандек бўлмадим, тўртинчи турдагина сал кўриниш берди. Унгача у балки бирон китобини ўқиб бир чеккада ўтирди-да, ўзига навбат келганда шаҳдам -шаҳдам юриб чиқиб барча саволларга ўзининг соҳир нутқи орқали тўла- тўкис жавоб бериб ҳакамларни ва телетомашабинларни лол қилиб энг юқори балл олиб чиқиб кетаверди. Бу 24 ёшли Қўқон Давлат ПЕдагогика институти талабаси Шарофат Исмоилова эди! Бу тўрт кун давомида нафақат ўз билими билан, балки ўзининг асл Ўзбекона одоб- ахлоқи ва соф қалблилиги билан ўз рақибларию ҳакамларни ва бутун Ўзбекистоннинг меҳрини қозонишга улгурган танловнинг ҳақли голибаси болган самимий қиз эди. Унинг бир жиҳатига қойил қолдим, эътибор бердингизми, охирги тур барча учун қийин келди, 13 та иштирокчида 3 тасигина балл олди, қолганлар топа олишмади шеър номини, Шарофат ҳам ўзига берилган Эркин Воҳидовнинг шеърини унча эслай олмай тополмади ва саҳнадан чиққач йиғлаб юборди, жоурналист, нега йиғлаяпсиз, деган саволига, мен бу шеърни топишим керак эди, мен Олтиариқликман, устоз шоиримиз Эркин Воҳидов ҳам Олтиариқлик эди, мен бу ҳамюртимникини топишим шарт эди, дея йиғлади! у балл йуқотганига эмас, ўз туманининг буюк шоирининг руҳи олдида уятдан, орияти келиб йиғлади, ана сизга ватанпарварлик, мана орият! Менимча, телевизор ортида кўриб туриб шу вазиятда мен каби Шарофатнинг ҳамиятига тан бериб йиглаганлар жуда кўп бўлса карак….

Бу йиғлатиш биринчиси ҳам охиргиси ҳам бўлмади, навбатдаги воқеа, бу Шарофатга олий мукофот топшираётган вақтда кучайди. Унга Президент совғаси берилди, у китобларни ўқигани ва уққани учун мамлакат рахбарининг совғаси “Спарк” автомашинаси калити берилди ва уни машинага чиқишга чорлашди, шунда у томошабинлар орасидан падари бузрукворини олиб чиқди ва калитни дадасига топширди, ролга ўтиргизди, ўзи эса дадаси ёнига ўтирди! Илмли ва маърифатли қиз мана шу жойда ҳам бутун ўзбек ёшларига улкан намуна кўрсатди, ота- она хурматини, ўзбек халқининг қон- қонига сингиб кетган хурматни намойиш қилди. Офарин Шарофат! Илминг, бахтинг бундан-да зиёда бўлсин! 

Биринчи марта ташкил қилинган “Энг яхши китобхон” кўрик- танлови, менимча, Ўзбекистондаги энг яхши танлов бўлди десак арзийди. Президент ташаббуси билан етти ухлаб тушимизга кирмаган эди бундай танлов, китоб ўқиган ўқувчи қиз машина ютиб олмоқда, китоб ўқиган ҳали студент бўлган қиз дадасига машина совға қилмоқда, яна кимнинг совғаси - Президент совғаси!

Бутун Ўзбекистон халқининг китоб ўқишга ундаш ва китобхонликни мана бундай юксак рағбатлантириш ишлари менга Х асрлардаги бутун дунёга билим манбаи бўлиб хизмат қилган алломаларимизни жахонга йетиштириб берган Маъмун академияси давридаги холатларни эслатиб юбормоқда. Ўша даврда ҳам китоб, китобхон нихоятда қадрлангани туфайли минг йиллардан буён ардоқланадиган буюк алломаларимиз етишиб чиққан эди. Бундай давр яна қайтарилиши бошланаётганига ишонаман. Ҳеч қанча ўтмай сизу биз кўчада китоб ўқиб юриб кетаётган, бир бирларига китоблар совға қилиб, ҳар бир гапларида ўқиган китобларидан иқтибослар келтириб сухбатлашаётган ёшларни, халқни кўрамиз. Бу танловнинг акс садоси бутун Ўзбекистоннинг китобга қайтиши, унга меҳр қўйиши, китобхонларни ардоқлаши билан қайтади. Ҳа , айтганча, аллақачон акс садо билан қайтди ҳам: менинг мактаб интернатимда битта синф укувчилари бу танловни кўргач ташаббус билан чиқишибди, мактаб- интернатда шу синф бошчилигида ва ташкилотчилигида “Енг яхши китобхон учун 8 -“A” синф кубоги” кўрик -танлови ўтказилиш таклифини бериб шу кунларда бу танловни ўтказиш белгиланди!

БББ- Билимлар Беллашуви бўйича

Шу йил 29 май куни Халқ таълими вазирлигига давлатимиз томонидан ўта кучли марказлаштирилиб, фуқаролар учун  қулайликлар яратилган my.gov.uz портали орқали Халқ таълими Вазирлигига шикоят хати йўлладим. Мурожаат хатимни биргина менинг эмас, бутун Ўзбекистон ўқитувчилари номидан деб тушунса ҳам бўлади. Мен ИДУМИда ишлайман, биз математика, филология фанларига ихтисослаштирилганмиз, лекин бошқа фанларимиз оддий мактаб қатори ББга қатнашадилар. Мен ана шу бошқа фанлар ҳуқуқлари юзасидан вазирликка шикоят йўллаган эдим. Аслида ўзим ихтисослаштирилганга ҳам ва оддий синф математика синфларига ҳам дарсга кираман, сезиб турганингиздек, бу хатни ёзишимдан мақсад оддий мактаб ўқувчи ва ўқитувчиларининг меҳнатини ҳимоя қилиш эди.

1-хат

“Ассалому алайкум! Кеча бўлиб ўтган Билимлар Беллашуви Вилоят босқичида ИДУМИлар ихтисослаштирилган синфлари ва оддий мактаблар учун алоҳида савол, масалалар Вазирлик томонида юборилди. Лекин ҳар бир синф, ҳар бир фанга юборилган масалалар оддий мактаб ўқувчилари учун ДТС талабидан юқори, ихтисослаштирилган синфлар учун эса ёки ДТС талаби даражасида, ёки ундан паст савияли масалалар юборилди. Аслида Билимлар Беллашуви Низоми бўйича ихтисослаштирилган синфлар ДТСдан юқори, оддий мактаб ўқувчилари эса ДТС талабидаги масалалар юборилиши ва шу асосда билимдаги бўшлиқлар аниқланиши сизлар томондан ёзилган Низомда белгилаб қўйилган эдику? Синфларга юборилган масалалар ўша синфдан юқори синф материаллар асосида тузилганини қандай тушуниш мумкин? Масалан, 7-синф математика оддий синфига 9-синф геометриясининг "Тўғри бурчакли учбурчакларда пропорционал кесмалар" мавзусидан масала тушди. 7-синф физика оддий синфига ҳам, ва 8-синф физика оддий синфига ҳам 9-синф физикасидан масалалар тушди. 8-синф кимё оддий синфига ҳам ўз синфидан юқори синф масалалари берилди. Бу ҳол бир эмас ҳар бир синфда аниқ кўриниб қолгани оддий мактаб ўқувчилари учун қашқатқич зарба деб қабул қилинди ҳаммада. Лекин ихтисослаштирилган синфларга оддий синф даражасидек содда масалалар тушди. Охир оқибат эса, ҳар икки йўналишдаги синф ўқувчилари ичидан энг юқори балл олган ўқувчи Республикага йўлланмани қўлга киритиш керак бўлганда содда масалаларни ечган ИДУМИ ўқувчилари ғолиб бўлиб кетаверди. Масалани мана шу жойи энг қаттиқ ботди. Агар оддий мактабдан ўз йўналиши бўйича алоҳида, ИДУМИлардан алоҳида ғолиблар Республикага йўлланма олганларида адолат жиндеккина қарор топиши мумкин эди, кечаги иш бўйича эса барча ўқувчи ва ўқитувчилар ўртасида ИДУМИларга алоҳида ҳиммат кўрсатиш деб қаралди. Саволим, нега энди ҳурматли Президентимиз ИДУМИларга шунчалар шароит яратиб беришсаю, у ўқувчилар оддий мактаб ўқувчисидан кўра осон масалалар билан Республикага йўл олиши Халқ таълими вазирлиги томонидан бу йўл билан рағбатлантирилмоқда? Нега оддий мактаб ўқувчиси ИДУМИчалик шароитда (дарслар бўлиб ўтилиши, вхк) ўқимай туриб, Вилоят Беллашувига етиб келсаю, у ИДУМИ ўқувчисидан мураккаб масалани ечишга мажбурланди? Нега Низомда ўша синф даражасидаги масалалар бериш белгилансаю, у синфдан 1, 2 синф юқори мавзулар асосида масалалар берилди. Ушбу масалаларни ким кўриб экспертизадан ўтказиб берди?”

Мурожаат хатимни 29 май куни ХТВга юбордим.

Ушбу хатдан бир кун ўтиб, 30-май куни яна портал орқали, ДТМ, Олий Аттестация комиссияси ва ХТВ, Олий ва ўрта махсус таълим вазирлигига 2-мурожаатимни юбордим. Бу мурожаатни вақтлироқ юбориб жавобини олмаганим боиси ўзим хижолат бўлган эдим, ўзимни айблаб юргандим. Йўқ, аслида бир мен эмас, бутун вилоятнинг энг кучли математик, физик ва химик устозлари билан Вилоят Билимлар Беллашуви вақтида 2 кун суҳбатлашгач, ҳамма ҳам мен қатори тузилган Низомда аниқ фан ўқитувчилари учун берилган вақт ҳеч бир реалликка тўғри келмаслигидан шикоят қилишмоқда эканлар. Шундан сўнг изоҳ сўраб тегишли ташкилотларга ариза ёздик.

2-хат

“Ассалому алайкум! Мен яқинда ўтказилган умумий ўрта таълим педагог кадрларни аттестациядан ўтказиш тартибига ўз эътирозимни билдирмоқчиман. Аттестацияда белгиланган қоидаларга кўра ҳамма фан ўқитувчиларига 36 та тест учун бир хил 1 соатдан вақт берилиши адолатли эмас деб ўйлаймиз. Чунки аниқ фан ўқитувчилари ва ижтимоий фан ўқитувчиларининг битта тест ва шу билан бирга 36 та тест ечиши учун вақт бир хил кетмаслиги кундек равшан. Аниқ фан ўқитувчилари ҳар бир масалани бир бошдан ечиб чиқишлари шарт, ижтимоий, филологик йўналиш ўқитувчилари эса бир ўқигандаёқ тестни ечадилар. Тузилган Низомда бу ҳақда ҳеч ўйлаб кўрилмаганлиги, ҳаммага бир хил вақт берилишидан кўриниб турибди. Ахир математика, физика, кимё фанидан масалаларни турли формулалар билан ечиб чиқариладиган масалага ҳам, ёнидаги бошқа ижтимоий йўналишдаги ўқитувчига берилган, "Қобуснома кимнинг асари? "деган бир ўқишда топиладиган саволга ҳам бир хил вақт берилиши адолатданми? Сизлардан илтимос, барча аниқ фан ўқитувчиларининг талаб-истакларига асосан Аниқ фанлар учун алоҳида вақт жорий этиб қайта аттестациядан ўтказиш ёки уларга бошқа қулайлик беришларингизни сўраймиз.”

1 июн куни директорим менга, “Вазирликка шикоят ёзган экансиз, вилоят Халқ таълими бўлимига ўрганиш учун юборилибди, ВХТБ дан телефон қилиб, “ўша ўқитувчингиз, “ўқувчиларим масалани ечолмай хафа бўлиб чиққани учун ҳаяжонланиб ушбу хатни ёзгандим, аслида адолатли ўтди”, деган мазмунда тушунтириш хати ёзиб берсин”, деяпти”, деди. Йўқ, мен Вилоят ХТБдан эмас, топшириқларни юборган Вазирликдан изоҳ сўраяпман устоз, дея рад этдим, ўша куни кечгача устозимга вилоятдан телефон бўлиб ёздириб беришини илтимос қилаверишди, мен эса, гарчи ўз раҳбарим илтимос қилса-да, балки муносабатларимиз шу иш юзасидан ёмонлашиши мумкин бўлса-да тушунтириш хатини ёзмадим. Эртаси куни, 2 июнда туман Халқ таълими бўлими мудири чақиртирди. Кирдим. Вазирликка шикоят ёзибсиз, деб мендан вазиятни сўради, тушунтирдим. Туман ва вилоят ХТБга менинг эътирозим йўқ, юборилган масалаларга эътирозим бор эди,  дедим. Суҳбатдан англадимки, туман ХТБ мудирига ушбу домладан қандай бўлмасин эътирозим йўқ дея тушунтириш хати олиб беринг, дея вилоятдан топшириқ берилган. Хўп дея, мужмал тарзда бир нималар ёздим ва масъул шахсга бердим, “йўқ бу тушунтириш хатини мудиримиз қабул қилишмайди, ўзингиз кириб агар топширолсангиз, топширинг ана”, деди. Асабларимни асраган ҳолда мудирга ҳам қайта учрашмасдан бинони тарк этақолдим, хатни эса кўчадаги ахлат қутига ташлаб кетдим…

Шу куни Республика таълим марказидан директоримга телефон қилиб, мендан эътирозим йўқлиги хақида тилхат олиб беришини сўрашибди, ёзмаяпти, ёздиролмаяпман, нима қилай ахир, ўзининг, ўқувчиларининг меҳнатига ачиниб кетяпти, дея жавоб берибди раҳбарим.

3-июн куни Вилоятга чақиришларини кутдим, йўқ, ҳеч ким безовта қилмади… сабаби бор экан. 4 июн куни одатдагидек my.gov.uzга кирсам ХТВдан биратўла 2 та хабар келибди. Ҳар икки аризамга жавоб келибди. Дархол очдим, Аттестация бўйича таклифимга кўпинча юборадиган, биз ўрганиб қолган “шаблон” жавоб юборишибди. Ҳа, майли, дея асосий қизиққан Билимлар беллашуви бўйича шикоятимга жавобни очдим: не кўз билан кўрайки, ушбу шикоятимга аввалги аттестация бўйича жавобни .pdf файл кўринишида юклашибдию, менга жўнатиб, ишни беркитишибди! Ижрочи бир киши, файл номери ҳам бир хил… ана сизга юқори ташкилотнинг нозик масалалардан ўзини қуруқ олиб чиқиб кетиши! Ана сизга масъулият, мана биз мақтаган ягона интерактив порталда ўтирган Халқ таълимидаги масъул шахсларнинг ўз айбларини қанчалар беркитиши!

Шундан сўнг мен ХТВга яна, 3-бора аризамни жўнатдим.

3-хат

“Ассалому алайкум!

Мен 29.05.2016 куни Халқ таълими вазирлигига ариза йўллаган эдим. Саволим, Билимлар Беллашуви учун юборилган топшириқлар хусусида эди. Аризам 29 май, соат 8:54 да my.gov.uzга етиб борди ва кўриб чиқиш учун олинди.

30 май куни Педагог кадрлар аттестацияси бўйича яна my.gov.uz орқали Халқ таълими вазирлигига таклиф юбордим. Ушбу таклифим 30 май, соат 07:05 да сизлар томонингиздан кўриб чиқиш учун қабул қилинди.

2 июн куни, менинг ҳар икки саволимга битта жавобни .pdf шаклида юбориб, Билимлар Беллашуви бўйича берилган саволимга ҳеч қандай изоҳ беришмади.

Савол:

1) Президентимиз фуқаролар билан давлат ташкилотлари ўртасида бевосита алоқани ривожлантириш учун шахсан ташаббус кўрсатиб, my.gov.uz ҳукумат порталини яратиб беришди, нега шундай масъулиятли ишда фуқароларнинг мурожаатига бундай совуққонлик билан қаралмоқда?

 2) Нега менинг Билимлар Беллашуви борасидаги саволларимга бошқа саволнинг жавобини юбориб мурожаатни беркитишди?

 3) Вазиримиз ўринбосари ушбу, 29 май кунги аризамни шахсан ўқиб, сўнгра шу мурожаатга жавобни шундай бердиларми?

4) Мен ҳар икки 29.05 ва 30.05 кунлардаги хатларимни ва сизлар томонингиздан юборилган, 2та умуман бошқа мазмундаги саволга берилган битта жавоб ҳақида , скриншотлар орқали фуқаролар мурожаатларига жавоб бермаганлик учун юқори органларга ва Оммавий ахборот воситаларига мурожаат қилаверайми, ёки менинг 29-май кунги аризамга бошқатдан жавоб берасизларми?”

2 кун ўтгач, мени Республика Таълим маркази ходимлари туман ХТБ мудирим орқали сўрашиб телефонлашишимни айтишди. Телефон орқали масъул ходим билан гаплашдик, юз берган муаммони тушунтирдим. Ходим, ушбу ҳолатда улар вилоятларга кўп вариантли банк юборишганини, уларни орасидан ДТС талаби асосида танлаб олиш вилоят халқ таълими бошқармаси масъул ходимлари ва ҳакамлар ҳайъати вазифаси эканлигини таъкидлади. Менга юборилган, 2 саволга 1 жавоб ҳақида ҳеч қандай маълумотга эга эмаслиги, хатимга расмий жавобни шу кунларда юборишларини айтиб ўтди.

Ўйландим: мен нега ХТВга шикоят ёзсам улар вилоят ХТБга юборишди, ахир масалаларни вазирлик юбориб, асосий масъулият уларда-ку,  хўп юборишибди ҳам дейлик, нега унда Вилоят ХТБ менинг мактабим ва у орқали бўлмагач, туманимдаги ХТБ раҳбаримизга менинг эътирозим йўқ, мен ўзим адашиб ёзибман, узр, дея ёзилган тилхат талаб қилгиздилар, ёки юборилган масалаларни ББ низоми 70-а бандида белгиланганидек, вилоятдаги Билимлар Беллашуви учун масъуллар ДТС талабидан қийин даражадаги топшириқларни ўзгартириш киритиб бермаганликлари учун улар ҳам айбдор эканлар-да…

Нихоят, 12 июнда менга ХТВдан жавоб хати келди. Унда фақатгина математика фанидан юборган эътирозим тўғри эканлиги, физика ва кимё фанлари эса ДТС асосида масалалар берилганлиги таъкидланиб, вилоят ХТБ рахбарига ушбу камчиликка йўл қўйган ходимларни меҳнат қонунчилигида белгилангани бўйича жазолаш топширилган эди.

Ушбу блог ёзилиш арафасида, 8-синф Ихтисослаштирилган математика синфдан вилоят босқичида ғолиб бўлгач, Республика ББида қатнашиб, ёзма иш ва тестларни тугатиб чиққан ўқувчимиз билан боғландик. “Домла, Республика босқичида ихтисослаштирилган  синфларга халқаро олимпиада масалалари беришди, оддий синфларга эса китоб доирасидаги оддий масалалар. Бизнинг масалаларни ҳакамлар ҳам тўлиқ ечиб беришмади, ИДУМИлар ичида 82 балл билан 1- ўриндаман, оддий мактабдагилар эса, табиийки, кўпи 90 баллдан юқори”, деди...

Ҳар йилги Билимлар Беллашуви тажрибалардан келиб чиқиб менинг қуйидаги таклифларим Вазирлигимиз томонидан эътиборга олинса, юқоридаги ҳолатлар содир бўлмасди.

Менинг таклифим, ББ ташкил қилинган дастлабки йилдагидек, ҳар бир босқичда  ИДУМИлар (ёки ихтисослаштирилган синфлар) алоҳида, оддий мактаблар синфлари алоҳида Беллашувга киришиб, токи Республика босқичида ҳам шундай қилиб, бир синфдан 2та ўз йўналиши ғолиби эълон қилиниши лозим. Яъни, ИДУМИлар ғолиби ва оддий мактаблар ғолиби. Мана шунда ҳеч қандай эътирозларга йўл қўйилмайди. Бу ҳолда Республика ғолиби ўқувчисига бериладиган нетбук ва ўқитувчисига бериладиган планшет мукофоти 2 баробар кўпаяди, лекин Давлатимизнинг таълимга ажратаётган маблағлари олдида бу, менимча, айтарли маблағ эмас. Муҳими ҳар бир босқичда ғолибликка даъвогар ўқувчилар бутун Ўзбекистон бўйича 2 баробар ўсиб, яна шунча ўқувчи билим олиши кучаяди.

Билимлар Беллашуви - мактаб ўқувчиларининг фанлар бўйича, 5-синфлигиданоқ ўз билимини синаш беллашуви. Унда ғолиб бўлиш туман, вилоят фахрига айланиш демакдир. У бир эмас, минглаб ўқитувчи ва ўқувчиларнинг кечаю кундуз қилган меҳнатлари сарҳисоби. Ота оналарнинг умиди. Президентимиз томонидан ёшларга ташкилланган улкан тадбир.

Афсуски, баъзи масъул ташкилотчилар ҳаракати натижасида бир йиллик орзу-умидни чиппакка чиқариб қўйиш ҳолатлари рўй бериб турибди. Умид қиламанки, бу ҳодиса бутун Республика Халқ таълими мансабдор ходимлари учун дарс бўлиб, келгуси йилларда Беллашувлар Низом асосида ўтказилади.